IFAV — Integration of Forecaster Avatar in Virtual Space

Esparrua: I+G+B / Adimen artifiziala / Meteorologia / Abatar birtualak.
Proiektu mota: Ikerketa eta garapen teknologikoa.
Kolaboratzaileak: Baleuko · Meteobit · Vicomtech.
Egoera: Amaitutako proiektua.

IFAV abatar birtualen eta 3D inguruneen bidez eguraldi-iragarpenen ikus-entzunezko edukiak automatikoki sortzera bideratutako ikerketa- eta berrikuntza-proiektua da.

Sistemari esker, denbora errealean funtzionatzen duen avatar batek meteorologia-operadore batek emandako datuak interpreta ditzake, herri edo lurralde jakin bati dagokion informazio meteorologikoarekin testu bat automatikoki sortu, eta hiru dimentsioko mapaz osatutako plato birtual batean ahoz aurkez dezake.

Azken helburua ikus-entzunezko eguraldi-iragarpen bat automatikoki ekoizteko gai den sistema bat lortzea da, eskuzko esku-hartzea murriztuz eta emititzeko kalitate egokia mantenduz.

Proiektuaren faseak

1. fasea — Osagaien garapena
Sistema osatzeko beharrezkoak ziren elementuak banan-banan garatu ziren: avatar birtuala, eduki meteorologikoen sorrera, ingurune birtuala eta 3D mapen irudikapena. Helburua oinarri teknologikoak ezartzea zen, ondoren osagai guztiak integratu ahal izateko.

2. fasea — Sistemaren integrazioa
Elementu desberdinen integrazioan eta edukien sorrera automatizatzeko prozesuan aurrera egin zen. Baleukok gidatu zuen garapena, Meteobit eta Vicomtechekin elkarlanean.

3. fasea — Automatizazioa eta sendotzea
Proiektua amaitu eta ikus-entzunezko eduki meteorologikoak automatikoki sortzeko gai den sistema bat sendotu zen, datu meteorologikoak, testuen sorrera, denbora errealeko avatarra eta hiru dimentsioko irudikapena uztartuz.

Proiektuak aurrerapauso bat dakar abatar birtualak, automatizazioa eta adimen artifiziala ikus-entzunezko edukien sorreran aplikatzeko.

Scroll to Top