Eutsi! (¡Resiste!)

Fitxa teknikoa

Urtea: 2007.

Iraupena: 90 min.

Generoa: Komedia.

Zuzendaritza: Alberto Gorritiberea.

Gidoia: Unai Iturriaga eta Alberto J. Gorritiberea.

Ekoiztetxeak: Baleuko SL, Irusoin SA eta Barton Films SL.

Ekoizleak: Karmelo Vivanco, Eduardo Barinaga, Fernando Larrondo eta José Antonio Fernández.

Ekoizpen-zuzendaritza: Asier Bilbao.

Sinopsia: Anjel Alkainek eta Asier Hormazak, telebistan egindako lanagatik oso ezagunak direnek, txirrindularitzazale diren bi gazteren rolak antzezten dituzte. Hogeita hamar urteak gaindituta, lan-egoera zailean daude biak. Ia bi urte daramatzate greban, eta egun batean Frantziako Tourrean protesta-ekintza bat egitea erabakitzen dute. Hala ere, bidean neska gazte batekin topo egingo dute, eta orduan azaleratuko dira haien beldurrak eta barne-gatazkak… Kepa eta Martin txirrindularitzazaleak eta haurtzarotik lagun banaezinak dira. Berrogei urtera hurbiltzen ari dira, eta lan egiten duten enpresak, Saldix Corp.-ek, bi urte daramatzan lan-gatazka luzatzen jarraitzen du. Enpresa laster beste leku batera eramango dutelako zurrumurruek, Martin aita izateko zorian dagoenean, krisi sakon batean murgiltzen dute. Horren ondorioz, Keparekin liskarrean hasten da, azken hori egoera berrira gehiegi ohitu baita. Adiskidetasunaren benetako zentzua arriskuan dagoenean, helburu komun bat sortzen da: protestak Frantziako Tourrera eramatea. Horretarako, enpresako auto bat eskuratu, sindikatuko egoitza hustu eta Pirinioetarako lasterketa zoro bati ekin beharko diote. Zuriñe kazetari gaztearen laguntza izango dute, baina haren presentziak era guztietako sentimendu kontrajarriak eragingo ditu. Bitartean, Iñigo enpresako gerenteak iheslarien atzetik joan beharko du, protagonistek oharkabean berekin daramaten dokumentu baten bila.

Argazkiak:

Trailerra:

Scroll to Top